CEBU CITY-Mikabat na sa 80 porsyento sa mga barangay kapitan sa habagatan ug amihanang bahin sa syudad sa Sugbo ang mipadayag sa ilahang pagdagan sa umaabot nga Barangay ug SK elections karung tuiga.
Gani, nag-iyahay na ug canvass sa ilahang line-ups ang mga magpapili pagka-kapitan ug SK chairman ang mga buot managan sa umaabot nga eleksyon.
Gibutyag ni Vicente “Inting” Esmeña, ang pangulo sa Barangay’s Affairs Office (BAO) nga nagsugod na ug tuyok sa ilahang mga sitio ang mga magpapili arun nga ma-ilhan sa ilahang mga konstituwente.
Nanawagan si Esmeña nga subay sa direktiba ni Cebu City Mayor Michael Rama, nga dili lang una maghisgot ug politika sa pagkakarun, sanglit sa Oktubre pa man ang pinili-ay.
Giingong gikinahanglan nga makita sa ilahang mga konstituwente ang ti-unay nila nga serbisyo.
Samtang, ang COMELEC Cebu City kay mipahibalo nga anaa pa sila sa ilahang pag-limpyo sa listahan sa mga botante, diin ilahang tangtangon ang mga pangalan sa nangamatay na, mibalhin ug pinuy-anan, ug kadtong nag-doble ang record.
