CEBU CITY-Sayop ug depektoso ang nahimong desisyon sa Regional Tripartite Wages and Productivity Board (RTWPB) nga gibasura ang P100 wage increase.
Kini ang gibutyag ni Dennis Derige, ang tigpamaba sa Partido ng Manggagawa-Cebu, human nga wala aprobahi sa ahensya ang ilahang petisyon nga wage increase.
Matud pa, mas maayo nga padayon kini nga gituki sa RTWPB arun nga masuta sa ahensya kung pila ang angayan nga isaka sa suholan sa mamumuo ug arun nga masuta ang tinu-oray nga kahimtang sa pamu-o sa Pilipinas.
Giingong wala man kini gihatagan ug igong pagtagad sa wage board ug gipaagi lang sa siento porsyento nga technical ug dayung basura sa petisyon.
Gidugang ni Derige nga basi sa ilahang computation, ingon man ang computation sa gobyerno, nagkinahanglan ug P1,100 nga suholan matag adlaw ang usa ka mamumuo nga adunay lima ka sakop sa pamilya arun nga sila mabuhi ug dili magkalisod.
