Duha ka aktibong pulis gikatakda nang pasakaan ug kaso human sila nakahimo ug adultery

CENTRAL VISAYAS-Gikatakda na nga pasakaan ug kasong kriminal ug administratiba ang duha ka aktibong pulis human sila nakahimo ug adultery.

Kini ang gikompirmar ni Police Lieutenant Colonel Gerard Ace Pelare, tigpamaba sa Police Regional Office (PRO-7), ug kasamtangang anaa ang duha ka pulis sa Talibon Police Station.

Giila ang mga pulis nga nadakpan nga sila si Police Corporal Mac Louie Dabon ug Patrolwoman Analuna Valentos.

Samtang ang bana ni Valentos usa usab ka pulis nga nadestino sa 1st Provincial Mobile Force Company sa Cebu Police Provincial Office (CPPO), kinsa nagpakitabang sa kapulisan sa Talibon, human sa iyahang pagduda nga mi-adto sa Talibon ang iyang asawa aron makigkita sa iyang hinigugma.