CENTRAL VISAYAS-Gipirmahan ni Cebu Gobernador Gwendolyn Garcia niadtong Miyerkules, Abril 5, 2023, ang iyang Executive Order (EO) No. 11 series of 2023 sa pagpalugway sa temporary ban sa Negros Island sulod sa 15 ka adlaw.
Gitataw sa gobernador nga kinahanglan pa nga makigsabot sa mga hingtungdan sa lokal nga industriya sa baboy, lakip na ang mga mayor sa mga local government units nga sakop sa Sugbo, ug ang tagsa-tagsa ka mga gobernador sa Negros Occidental ug Negros Oriental aron makahimo og komon nga protocol batok sa ASF, Hog Cholera, ug uban pang sakit sa baboy.
Kahinumduman, si Garcia mipasangil nga ang zoning regulations ug culling policy sa Bureau of Animal Industry, nga gipatuman sulod sa halos upat ka tuig, “napamatud-an nga dili epektibo sa pagsumpo sa mga epekto sa ASF.
Ang gobernador sa Sugbo nanawagan sa kapulisan, coast guard, Cebu Port Authority, Mactan-Cebu International Airport Authority, ug component cities ug munisipyo sa lalawigan sa pagmonitor sa higpit nga pagsunod sa iyang bag-ong EO.
