MANDAUE CITY-Gibutyag ni Camilo Basaca Jr., pangulo sa City Social Welfare and Services, nga ilang ihatag ang hinabang pinansyal sa mga nasunogan sa Banilad, Dakbayan sa Mandaue karung adlawa Biyernes, Abril 14, 2023, sa Banilad National High School.
Adunay 97 ka mga pamilya, nga gilangkuban sa 335 ka mga indibidwal, nga makadawat sa pinansyal nga tabang, kung diin ang mga tag-iya og balay makadawat og P10,000, samtang ang mga nag-abang makadawat og P5,000.
Samtang, ang Department of Social Welfare and Development Region 7 mag-apod-apod og mga food packs sa pamilya sa umaabot nga Sabado.
Dugang pa, nga adunay mga pamilya nga nibalik sa lugar, samtang ang uban anaa pa sa evacuation sites.
Kahinumduman nga niadtong Abril 9, usa ka insidente sa sunog ang nahitabo sa Sitio Orel, Banilad, Mandaue, nga nakaapekto sa 50 ka mga balay.
