CEBU CITY-Dili gihapon makatuo si Atty. CHRISHA Ver Romano-Weigel nga nakapasar siya sa 2022 Bar Examinations.
Ilabi na nga nahimo kining top-27 sa kapin sa 3,000 ka nakapasar nga adunay rating nga 86.1583 percent.
Sa pakighinabi sa Bombo-Radyo Cebu kang Romano-Weigel, gibutyag niini nga ang pag-andam alang sa Bar taliwala sa mga hagit sa pandemya sa Covid-19 nakadaot sa emosyonal ug mental nga kaayohan niini ilabi pa nga nagsakit iyahang inahan ug kinahanglan niining atubangang ang pagkamatay niini kaniadtong Disyembre 2021, pila ka bulan sa wala pa ang iyahang graduation sa law school sa 2022.
Gihulagway niya kini nga “daghang pagkat-on” ug nisalig sa mga pag-ampo ug pagdasig sa kaugalingon aron magpadayon.
Kanunay usab niyang gipahinumdoman ang iyang kaugalingon nga “maayo ra ang tanan.”
Bisan pa sa mga babag, nakit-an ni Romano-Weigel ang kadasig sa iyang matinabangon nga mga apohan ug sa iyang determinasyon nga tapuson ang iyang nasugdan.
