LAPU-LAPU CITY, CEBU-Gibana-banang 10 ka oras ang pagpawong sa kalayo sa mga disaster responders sa dakbayan sa Lapu-Lapu sa usa ka abandonadong barko sa baybayon sa Punta Engaño sa Sugbo.
Ang barko nga giilang MV Diamond Highway nasunog pasado alas 2.
Gideklarar kini nga fire out pasado alas-dos sa tungang gabii karong adlawa, Sabado.
Base sa imbestigasyon sa Philippine Coastguard, ang barko nasangad sa maong lugar atol sa pagkusokuso sa Bagyong Odette niadtong Disyembre 2021.
Gigamit nila ang mga tugboat nga adunay kapabilidad sa pagpawong sa kalayo.
Apan, sa tunga-tunga sa operasyon, sila temporaryo nga mihunong.
Matod ni Lapu-Lapu City Disaster Risk Reduction and Management Office Chief Nagiel Bañacia, luwas nga naluwas ang 23 ka mga trabahante sa MV Diamond Highway.
Ang mga trabahante usab ang nangayo og tabang tungod kay ang uban natanggong sa ibabaw nga bahin sa barko.
Nagpahigayun og mas lawom nga imbistigasyon ang Bureau of Fire Protection arun sa pagsuta sa hinungdan sa insidente lakip na ang banabana sa danyos niini.
