CEBU CITY-Nihatag na ug kamandoan si Cebu City Mayor Mike Rama, sa Konseho sa Dakbayan sa Sugbu, nga lantawon ug tun-an ang pagdumala sa Cebu City Operation Second Chance Center gumikan sa sunod-sunod nga pag-eskapo sa mga Children in Conflict with the Law (CICL).
Gitino sa Mayor, nga basi sa assistment niini human niya madungung ang gipahigayun nga imbistigasyon, iyahang napanglantawan nga ang mga bata nga sigeg eskapo usa ka ‘unpardonable’ o dili na angay nga pasayloon.
Dugang pa sa Mayor nga ang pagbutang niya sa kapulisan ug BJMP, usa sa mga lakang nga makatabang arun sa ingun mapugngan ang sunod-sunod nga pag-eskapo.
Lantawon pag-usab sa Mayor ang Cebu City Operation Second Chance Center sa iyahang pagbalik sa Sugbu, kini gumikan kay sa kasamatangan anaa pa kini sa kauluhan.
Dako ang pagtoo sa Mayor nga ang mga bata nga naa sa Operation Second Chance, gigamit lamang sa mga tawo nga adunay daotan nga tumong.
Giklaru ni Rama nga ubos sa iyahang pagdumala isip Mayor sa Dakbayan sa Sugbu, dili kini mutugut nga mahitabo pa kini pag-usab, hinungdan nga kinahanglan nang buhaton niini ang pipila ka ‘pattern ug kausaban’ nga lakang, inubanan sa pagtinabangay sa mga hingtundan.
