CEBU CITY-Gipusil ang usa ka lalaki nga 64-anyos sa wala pa mailhing mamumuno, pasado alas 4 sa Huwebes sa buntag Mayo 11, 2023 sa Sitio Camparang, Barangay Kalunasan sa dakbayan sa Sugbo.
Giila sa Kapulisan ang Biktima nga si Diliciano Jacaban nga molopyo ra usab sa maong lugar.
Sigun pa, nga ang biktima nga sayo ni mata aron mangabli sa ilang tindahan apan kalit lang nga naabot ang wala mailhing suspetsado ug dayong pamusil sa biktima.
Gidala ang biktima sa labing duol nga tambalanan sanglit duna pa kini gamay nga pinitik sa iyang pulso, apan nakabsan sa gihapon sa iyahang kinabuhi.
Sa kasamtangan, nagpadayon pa sa ilang gihimong imbestigasyon ang Guadalupe police station sa nahitabong pagpamusil ug usa sa ilang subayon kon kinsa ang gikaaway sa biktima sa wala pa ang pagpamusil.
