Tandugonon ang kahimtang sa usa ka lalaki human kini gipusil sa wala pa mailhi nga mamumuno sa Sitio Panaghiusa, Brgy. Carreta, ning dakbayan sa Sugbo.
Ang biktima nailhan sa pangan nga Sorab Miral alyas “Tambok”, 38-anyos, usa ka Maxim rider ug residente sa Cambaro, Mandaue City.
Basi sa initial nga impormasyon, giingon nga paingon molakaw ang biktima gikan og hatod og kunsomo sa iyang nga partner sa dihang kalit gihunongan sa riding in tandem ug gipusil sa mikanaog nga angkas niini.
Nakadagan pa ug pipila ka metros ang biktima sa wala pa kini gigukod ug gipusil sa makatulong higayon.
Dali usab nga nakasibat ang mga suspek sakay ang wala pa matino nga motorsiklo palayo sa crime scene, samtang girespondehan sa Cebu City Disaster Risk Reduction ang Management Emergency Services ang maong insidente diin daling gidala sa tambalanan ang maong biktima.
Sa pagkakaron, padayon ang imbestigasyon sa Mabolo Police Station sa maong panghitabo diin ilang gisusi ang posibleng motibo ug identity sa mga suspek. via Bombo Rexmond Omega
