CEBU CITY-Gipaningkamotan sa Metropolitan Cebu Water District (MCWD) nga ma-suplayan ang tanan niining mga kunsomidor sa dakbayan sa Sugbo hinungdan nga daghang mga lugar ang gikatakda nga butangan ug mga desalination plant.
Gipahibalo ni Minerva Gerodias, ang tigpamaba sa MCWD, nga mukabat sa kapin 100,000 cubic meters matag adlaw hinungdan nga naningkamot sila nga makabutang ug mga additional sources.
Matud pa, sa pagkakarun, ang ilahang gitutokan nga mga ‘future projects’ kay mapun-an ang water supply pinaagi sa mga desalination projects.
Subay niini, gitino ni Gerodias nga sa tulo ka mga kontrata nga napirmahan sa MCWD, ang desalination plant sa Barangay Mambaling ang posibling unang maka-operate diin dako kini nga tabang sa mga areas nga dili 24 oras ang agas sa tubig kansang duol usab sa naasoy nga barangay diin pagatukoron ang maong planta.
Hinuon, gisiguro ni Gerodias nga pa-igo pa ang supply sa tubig bisan pa man sa mga bukiran nga barangay sa dakbayan sa Sugbo.
