Nadawat na ni Mr. Albert Bautista ang P1 milyon nga iyang nadaog sa Grand Draw sa Swerte sa Palengke 2026.
Kini nga promosyon gikan sa Bombo Radyo Philippines isip pagsaulog sa ika-60 nga anibersaryo sa network.
Diin hangtud karon wala siya magdahom nga makadaog og P1 milyon nga grand prize sa Grand Draw sa Swerte sa Palengke 2026 sa Bombo Radyo Philippines.
Sumala ni Bautista, samtang nag-monitor siya sa draw, wala gyud siya magdahom nga ang iyang ngalan ang mabunotan taliwala sa hilabihang kadaghan sa mga entry nga nihagbong.
Gipaambit usab sa bag-ong milyonaryo nga gamiton niya ang iyang nadag-an nga kwarta aron ipatukod ang ilang balay sa Montalban, samtang ang nahabilin nga premyo iyang i-deposit ug itipig alang sa ilang pamilya.
Hingpit usab nang nadawat sa tulo ka grand draw winners sa Sugbo sa Swerte sa Palengke Promo 2026 ang ilang tagsa-tagsa ka papremyo diin gipahigayon ang awarding ceremony sa Bombo Radyo Cebu Station.
Diin puno sa kalipay ug pasalamat si Amabel Ostria gikan sa Dagdang, lungsod sa Alcoy, Cebu matud sa iyang gipagawas nga pahayag human hingpit nga nadawat ang iyang premyo nga P25,000 cash isip First Prize Winner sa Grand Draw sa Swerte sa Palengke Promo 2026.
Dugang pa niya, dako ang iyang apresasyon sa tanang nagpaluyo sa promo, ilabi na sa Bombo Radyo Cebu ug Star FM Cebu sa pagpahigayon ug paghatag og kahigayonan sa mga taga-subli nga makadaog sa maong papremyo.
Gawas kang Ostria, nadawat na usab sa laing mananaog ang ilang mga cash nga sila si:
NIÑA LIZA REGIS
-0697 Camagong, Lahug, Cebu City, nga makadawat sa P15,000 nga 2nd Guaranteed Prize;
IRISH BATINGAL
-Upper Yati, Quiot, Cebu, nga makadawat sa P10,000 nga 3rd Guaranteed Prize.
