Gisaulog karong adlawa, Hulyo 6, 2026 sa Bombo Radyo Philippines ang
makasaysayanong ika-60 nga anibersaryo—unom ka dekada sa
padayon ug walay hunong nga serbisyo sa katawhang Pilipino pinaagi sa
tukma, paspas, ug kasaligan nga pagbalita.
Sukad sa pagkatukod niini niadtong Hulyo 6, 1966 sa visionary founder
Don Marcelino M. Florete Sr., ug karon ubos sa pagpangulo ni DR. ROGELIO
M. FLORETE, Chairman sa Bombo Radyo Philippines, ang Bombo Radyo gikan sa usa ka estasyon ngadto sa labing lig-on ug labing kasaligan nga network sa radyo sa Pilipinas. Sa pagkakaron, kini adunay 32 ka hingpit nga digitized nga mga estasyon sa AM ug FM sa top 25 nga mga siyudad ug probinsya sa tibuok nasud.
Gawas sa pagsibya, ang Bombo Radio nagpadayon sa pagpakita
sa dedikasyon niini sa pagserbisyo pinaagi sa mga programa nga
naghatag og direktang tabang sa katawhan, sama sa BOMBO
MEDICO, nga naghatag og libreng serbisyo medikal, dental ug optical; DUGONG BOMBO, ang nationwide bloodletting campaign; ug BOMBO MUSIC FESTIVAL, nga nagdasig ug nagsuporta sa Original Pilipino Music.
Ang Bombo Radyo nakadawat usab og daghang pasidungog ug pag-ila
sa Pilipinas. Apil niini ang pag-ila sa Bombo Network News isip Best News Program sa Catholic Mass Media Awards niadtong 2024 ug 2025, ug ginganlan nga Radio Network of the Year sa 2026 Pro Patria Journalism Awards sa Rotary Club of Manila.
Dungan sa selebrasyon sa ika-60 nga anibersaryo sa Bombo Radyo Philippines, gihatagan og halangdon si Dr. Rogelio M. Florete, Chairman sa Florete Group of Companies. Ubos sa iyang pagpangulo, ang Bombo Radyo Philippines nahimong labing lig-on ug kasaligan nga institusyon sa pagsibya sa Pilipinas.
Gipalapad niya ang operasyon sa network, gipadali ang modernisasyon sa mga estasyon, ug gipalig-on ang kultura sa propesyonalismo, integridad, ug tinuod nga serbisyo publiko. Diin ang iyang prinsipyo nga “Ang kamatuoran dili mausab ug ang kahusayan mao ang sukdanan” mao ang giya sa liboan ka mga tigbalita, tigsibya, ug mga empleyado sa Bombo Radyo sa ilang adlaw-adlaw nga kakugi.
Tungod sa iyang talagsaong kontribusyon sa industriya ug
negosyo sa media, gidayeg si Dr. Florete isip Lifetime Achievement Awardee
sa Association of Broadcasters of the Philippines (KBP), Captain of Industry
in Media sa Philippine Chamber of Commerce and Industry–Western
Visayas, ug nakadawat usab og daghang uban pang prestihiyosong
pag-ila lakip ang Ninoy Aquino Award for Nationalism, Golden Salakot
Award, Diamond Lifetime Achievement Award for Mass Media, Honor
of Iloilo Award, ug Business Icon in the Visayas.
Daghang salamat, Dr. Rogelio M. Florete.
Pinaagi sa imong pagpangulo, ang Bombo Radyo nahimong labaw pa sa usa ka
network sa pagsibya. Nahimo kini nga usa ka institusyon nga labing gisaligan
sa katawhang Pilipino—usa ka pinuy-anan sa kamatuoran ug tinuod nga
serbisyo publiko.
BASTA RADYO… BOMBO!
