Pasok sa finals sa lain-laing kategorya ng 2026 KBP Golden Dove Awards ang 11 entry sa Bombo Radyo.
Nakasulod ang Bombo Radyo Cebu isip usa sa mga finalist sa 29th Golden Dove Awards ilalom sa Best Special Program category—usa ka maayong balita alang sa atong mga Ka-Bombo.
Ang Bombo Radyo Cebu usa sa mga estasyon sa Bombo Radyo Philippines nga nakasulod isip finalist sa nagkalain-laing categories sa maong prestihiyosong awards.
Mao kini ang mga estasyon ug entries sa Bombo Radyo Philippines nga nakasulod sa finals:
-Bombo Radyo Iloilo – Best AM Radio Station – Provincial
-Star FM Manila – Best FM Radio Station – Metro Manila
-Star FM Bacolod – Best FM Radio Station – Provincial
-Bombo Radyo CDO– Best Newscast – Provincial
-Bombo Radyo Iloilo– Best Newscast – Provincial
-Bombo Network News – Best Newscast – Metro Manila
-Bombo Radyo Koronadal – Best Sports Program
-Star FM Baguio – Best Public Service Announcement
-Bombo Radyo Roxas – Best Radio Station Promotional Material
-Star FM Baguio– Best Radio Station Promotional Material
Lakip usab ang Bombohanay sa Udto ni Bombo Suzzette Bacalso Rafols isip usa sa mga Finalists sa 29th Golden Dove Awards.
Alang sa Bombo Radyo Cebu, ang pagka-finalist sa Best Special Program usa ka dakong pag-ila sa padayong paningkamot ug dedikasyon sa atong team sa paghimo og mga programang adunay unod, kalidad ug direktang serbisyo alang sa mga Cebuano.
Usa kini ka kalampusan nga atong ipaambit sa tanan natong mga Ka-Bombo nga padayong nagsuporta ug nagsalig sa Bombo Radyo Cebu.
