PROVINCE OF CEBU-Aduna nay ‘Person of Interest’ ang kapulisan sa Argao sa duha ka mga biktima nga gipusil-patay sa Barangay Colawin, Argao.
Giila ang mga biktima nga sila si Renel Albarracin, 28, ug Steven Bajenting, 21, parehong residente sa naasoy nga Lugar.
Matud pa ni Police Major Andy Michael Roque, hepe sa Argao Police Station, nga sa kasamtangan, aduna silay nakuha nga lead nga ilang nakita sa na recover nga cellphone sa mga biktima, ug ilahang gi-imbistigahan kung unsay kalambigitan sa naasoyng ka ‘chat’ sa maong panghitabo.
Dugang pa sa opisyal nga sa kasamtangan naa pa sila sa ‘ hot pursuit’ operation arun sa pagsuta sa mga mamumuno kinsa nagpabilin nga wala pa mailhi, apan dako ang possibilidad nga kaila rani sa mga biktima, ilabi nga nga ang Lugar nga nahitaboan sa insidente walay signal ug hilabihan kamingaw.
Gitino sa opisyal nga usa sa ilahang gipanglantawan nga anggulo sa pagpamusil mao ang may kalambigitan sa ilegal nga drugas, ilabi na nga sa nakalabay nga tuig una nang nadakpan sa buy bust operation ang usa sa mga biktima nga si Renel Albarracin.
