Kapulisan sa Siyudad sa Lapulapu nagsugod na sa pagpaniid sa mga mokandidato sa Barangay eleksyon

LAPU-LAPU CITY, CEBU-Nagsugod na ang Kapulisan sa Siyudad sa Lapulapu pagpaniid niadtong nahilambigit sa ilegal nga drugas nga mokandidato sa Barangay eleksyon.

Hinungdan nga adunay listahan ang Kapulisan sa drug personalities sa lainlaing barangay nga ilang padayong gimonitor ang mga kalihokan.

Hinuon, matud ni Lapulapu City Police Director , Police Colonel Elmer Lim nga walay report nga adunay incumbent barangay opisyal nga nalambigit sa kalihokan sa ilegal nga drugas.

Sa pikas bahin, nunut sa nagkaduol nga eleksyon, matud ni Col. Lim nga hugtan sa Kapulisan ang pagpatuman sa Oplan Katok niadtong naghupot og Armas nga way lisensya, checkpoint ug ang buy-bust operations.