CEBU CITY-Human masunog ang usa ka barko nga paingon unta sa Tagbilaran City lalawigan sa Bohol sa may kadagatan sa Panglao pasado alas 4:00 kagahapon sa kaadlawon, Hunyo 18, 2023, nihimo na ug imbistigasyon ang Coast Guard District Central Visayas-sa Western Bohol.
Sa pakighinabi sa Bombo-Radyo Cebu kang LT. Mark Tolentino ang Operation Officer sa Central Visayas, PCG, gibutyag niini nga ang barkong nasunog usa ka MV ESPERANZA STAR nga iya sa KHO SHIPPING LINES, nga nag gikan sa Iligan City-via- Lazi Siquijor-Tagbilaran-Cebu ang rota, nasuta nga sa engine room nagsugud ang sunog, apan ilaha pang gisuta kung unsay hinungdan sa sunog.
Dugang pa sa opisyal, nga basi sa mga testemonya sa mga crew sa engine room, kalit nalang silag nakakita ug sunog, hinungdan nga ilaha kining gisulayan sa pagpalung apan wala na madala hinungdan nga ni deklara ang kapitan sa barko ug ‘abondoned ship’ hinungdan nga nanggawas na ang mga crews sa barko.
Sa kasamtangan, wala pa nakadawat ug ‘marine protest’ ang PCG-Central Visayas gikan sa MARENA, nga gi-file gikan sa Kapitan sa Barko.
Dugang pa sa opisyal, nga ang tanang pasahero gitabangan sa mga crew nga makuha ang ilahang mga gamit sa sulod sa barko ug makauli na sa ilahang tagsa-tagsa ka panimalay.
Na turn-over na usab sa PCG-7 ang mga pasahero sa PDRRMO ug KHO SHIPPING LINES, ug kini na ang mga ni-asikaso niini.
Nasayran nga adunay sakay nga 65 ka Total passenger ug 55 ka officer in crew ang barkong nasunog, kinsa luwas tanan.
