CEBU CITY-Anaa na sa tangke Talisay,Cebu ang barkong nasunog nga MV ESPERANZA STAR, ug naghulat nalang kinig lugar nga kadunggu-an ug kung ugaling madunggo na kini mosulod na ang investigating team sa MARENA-7, arun magpahigayun na ug imbistigasyon sa pagsuta sa hinungdan sa sunog.
Kini ang gitino ni Rochyl M Villamor, ang tigpamaba sa Maritime technical division, Marena-7, atul sa pakighinabi niini sa Bombo-Radyo Cebu, ug gitino niini nga sa kasamtangan wala pa silay nakuha nga impormasyon kung unsa ang hinungdan sa sunog sa maong barko.
Dugang pa niini, nga wala pa usab sila nakadawat ug ‘marine protest’ nga gi-file gikan sa Kapitan sa Barko.
Gi-klaru niini nga ang makahimo sa show cause Order, mao ang MARENA-5 gumikan kay naa sa naasoy nga lugar ang homecourt sa KHO SHIPPING LINES.
Kini arun mapasabot sa shipping Company ang ilahang habig, kung ugaling man atul sa imbistigasyon masuta nga naay lapses ang kompanya, ilabi na sa safety sa mga pasahero sulod sa barko.
