CEBU CITY-Nihatag ug show cause order ang Maritime technical division, Marena-7 ngadtu sa MARENA-5, kabahin sa pagsuspenso sa nasunog nga barkong MV ESPERANZA STAR, kini gumikan kay naa sa naasoy nga lugar ang homecourt sa KHO SHIPPING LINES.
Kini ang gitino ni Rochyl M Villamor, ang tigpamaba sa Maritime technical division, Marena-7, atul sa pakighinabi niini sa Bombo-Radyo Cebu, ug gihimug-atan niini, nga ang bugtang MV ESPERANZA STAR, lamang ang na suspenso samtang nagpadayun pa ang imbistigasyon.
Dugang pa niini, nga gawas sa suspension sa nasunog nga barko, ni-isyu usab ang Marena-7 ug ‘enforcement service’ sa Central Office ug sa Marena 5, nga mopahigayun ug inspeksyon sa tanang barko nga gipanag-iya sa KHO SHIPPING LINES.
Kini arun masuta ang kaluwasan sa mga barko sa naasoy nga kompanya, subay gihapon sa nahitabung pagkasunog sa ilahang usa ka passenger ship, apan gi-klaru niini nga hangtud nga wala pa mahuman ang imbistigasyon magpadayun ang operasyon sa ubang mga barko sa KHO SHIPPING LINES.
Gipasabut ni Villamor, nga basi sa protocol sa MARENA, nga mamahimo silang makasuspenso sa tibook operation sa usa ka Shipping Company nga nasunog kung ugaling adunay susama nga sunod-sunod nga insedente ang usa ka Shipping Company o tulo ka higayun sulod sa unom ka bulan.
Dugang pa, nga aduna silay administrative order kabahin niini.
