CENTRAL VISAYAS-Nasikop ang lima ka indibidwal sa mga sakop sa Philippine Drug Enforcement Agency 7 sa dakbayan sa Sugbo ug Larena Siquijor.
Usa ka drug den ang gi ronda sa PDEA 7 uban sa Labangon police station sa Sitio Balagon Barangay Labangon, nga mi resulta sa pagka sikop sa upat ka mga tawo.
Giila ang mga suspetsado nga nadakpan nga silang Larry Ampoon alyas Logs, 53 anyos,usa ka Technician nga maoy nagpadagan sa Drug Den, Francis Joseph Montealto 40 anyos, Melanie Ida 38 anyos ug Kim Craste 22 anyos.
Nasakmit sa PDEA ang 15 ka pakete sa gituohang shabu nga motimbang og 16 gramos nga dunay balor nga P108,000 ug mga drug paraphernalia.
Samtang, sa pikasn bahin nadakpan usab sa buy bust operation ang usa ka ESL Teacher sa Barangay South Poblacion lungsod sa Larena lalawigan sa Siquijor.
Ang suspetsado giila nga si Clark Chester Calibo 27 anyos, nga nag puyo ra usab sa maong lugar.
Unom ka pakete sa gituohang shabu ang nasakmit sa PDEA sa suspetsado nga mo balor sa P6,800.
Kalapasan sa Article II sa RA 9165 ang atubangong kaso sa mga suspetsado
