Miduso og resolusyon si Fourth District Board Member Atty. Nelson Mondigo, sa Junta Probinsyal aron awhag sa mga local chief executives nga pangandaman ang nagsingabot nga Super El Niño.
Tumong niini, nga mahatagan og hinanaling lakang lakip na ang pagpangandam sa mga nagkadaiyang kagamhanan ang posibleng epekto sa huwaw, gumikan kay possible pa kining matapos sa unang kwarter sa tuig 2027.
Matud ni PB Member Mondigo, nga ang maong resolusyon naka-angkla sa bag-ong balaod nga RA 12287 o ang Declaration of State of Eminent Disaster Act, aron maminusan ang halapad nga epekto sa huwaw.
Dugang niini, nga pinaagi sa maong resolusyon ma-identify sa mga nagkadaiyang buhatan, ang posibleng unang maapektuhan usab sa pagkuwang sa tubig, nga usa sa mga gilauman hilabi na sa mga remote areas.
