LILOAN, CEBU-Padayung nagpaalim ang upat ka trabahante sa usa ka liquefied petroleum gas (LPG) human sa pagkasunog sa extension sa bodega, gumikan nakaangkon og samad ug paso sa sa ilang kalawasan sa Sitio Landing, Barangay Catarman, Liloan niadtong nakalayng adlaw
Gikompirmar ni Senior Fire Officer 1 Eustaquio Jonas sa Liloan Fire Station nga tulo ang naangol samtang usa ang nagrabihan ug gidala sa Cebu Provincial Hospital sa dakbayan sa Danao.
Gibanabana ni Eustaquio nga mokabat sa P150,000 ang danyos sa mga kabtangan apan padayon pa nga gisusi ang kinatibuk-ang kantidad sa mga LPG.
Nasuta nga nagsugod alas 8:18 sa buntag ug gideklarar nga under control alas 8:50 sa buntag.
Gidugang usab niya nga ang upat ka mga biktima mao usab ang mga saksi sa insidente.
Dugang pa sa imbestigador nga ang nasunog nga estraktura ginama sa standard materials, apil na ang konkreto ug puthaw samtang nagpadayon karun ang kabomberohan sa imbestigasyon sa hinungdan sa maong sunog.
