CENTRAL VISAYAS-Gipahigayon sa Environmental Management Bureau – Region VII inubanan sa Regional Director nga si Ma. Victoria V. Abrera ug mga opisyales sa lokal nga kagamhanan sa dakbayan sa Toledo ang Turn-Over Ceremony sa Preliminary Disinfection and Storage Facility (PDSF) alang sa siyudad niadtong Hulyo 24, 2023.
Ang PDSF usa ka 20-ft. nga container van nga adunay kapasidad nga mokolekta og 4.5 ka toneladang basura gikan sa mga basura sa healthcare facilities sama sa mga clinic ug health centers sa dakbayan.
Mao sab kini ang motagana sa tanan nga peligroso ug solidong mga basura sa City Hospital, City Health sa dakbayan nga anaa nahimutang sa Putingbato Sanitary Landfill and Ecopark.
Base sa tahas gikan sa mayor, ang mga opisyales sa City Environment and Natural Office nga sila Amador Cavan ug Jun Nillas maoy magdumala og magbantay sa PDSF matag adlaw.
Matod ni Abrera, nihatag sab ang EMB og mga ekipo sa solid waste, shredders, ug biocomposters nga dakong tabang sa pagsulbad sa problema sa hazardous waste sa dakbayan.
