-- ADVERTISEMENT --
CEBU PROVINCE-Gidakop pila ka oras ang usa ka 47-anyos nga construction worker human kini nipusil sa usa ka 30-anyos nga lalaki sa Barangay Liong sa Lungsod sa Dumanjug sa habagatang-kasadpan sa Probinsiya sa Sugbo niadtong Agosto 3, 2023.
Giila ni Police Captain Jan Ace Elcid Layug, hepe sa kapulisan sa Dumanjug Police Station, ang gidakop nga si Heracleo Sarona nga taga Barangay Cogon sa naasoyng Lugar.
Samtang, ang biktima giila nga si Erick John Fernandez, 30 anyos, kinsa wala maigo sa dihang gipusil ni Sarona mga pasado alas 8 sa gabii sa Agosto 3.
Nadakpan ang suspetsado duol sa iyang balay ug gitanggong kini sa police station samtang giandam ang mga kaso nga iyahang atubangon.
