MANDAUE CITY, CEBU-Niangkon ang 8-anyos nga batang babaye nga gikidnap sa kanhi empleyado sa iyang pamilya nga gihagkan sa suspek ang iyang baba ug ang iyang pribadong parte sa lawas samtang siya ubos sa iyang kustodiya.
Nibutyag ang kidnap victim sa nahitabong paghalok ngadto sa usa ka reporter kinsa nangutana kaniya kon unsa ang gibuhat sa suspek ngadto kaniya sa mga oras nga siya ubos sa iyang kustodiya.
Sa pikas bahin gitino ni MCPO Deputy City Director for Operations Police Lieutenant Colonel Franco Rudolf Oriol nga base sa imbestigasyon ug pakighinabi, posibleng gikidnap sa suspek ang dalagita nga adunay malisya nga tuyo.
Kung kahinumduman nga niadtong Huwebes sa buntag, Agosto 10, 2023, gikidnap ug gisulod sa maleta ni Godiflor Rama, 32, taga Barangay. Sampaguita, Bukidnon ang batang babaye nga gikan sa iyang panimalay sa Barangay Bakilid, Mandaue City, Cebu.
Sa una nga mga pakighinabi, ang suspek nipasangil nga ang Filipino nga mga apohan sa bata nipasangil kaniya nga nangawat sa pipila sa ilang mga butang nga nagpasiugda sa iyang tinguha nga makapanimalos kanila.
Gihimakak usab ni Rama ang pasangil sa kidnap victim nga gihagkan niya kini sa ngabil ug pribadong parte sa lawas, apan giangkon niya nga giisa ang iyang kamiseta sa bata aron dili kini mainitan.
Gumikan sa pagkatap sa social media sa pagkidnap sa bata, bisan sa walay pormal nga report gikan sa mga ginikanan, ang MCPO paspas nga nipasiugda og hot pursuit operation aron masubay ang suspek.
Matod ni Police Colonel Jeffrey T. Caballes, ang Director sa Mandaue City Police Office (MCPO), nga gawas sa pagsusi sa CCTV footage sa palibot, ang tip gikan sa usa ka concerned citizen nakatabang sa kapolisan sa pagpangita ug pagdakop sa suspek ug pagluwas sa biktima sa pagdagit.
Pag-abot nila sa kwarto, nakit-an sa mga pulis ang batang babaye nga natulog ug adunay pipila ka mga garas sa iyang mga bukton.
Matod ni Caballes nga posibleng niresulta ang mga garas dihang gisulod sa maleta ang bata.
Gidugang usab ni Caballes nga wala na makasinggit og tabang ang biktima tungod kay gitaptapan ang baba niini.
Matod ni Caballes nga mag-atubang si Rama og kasong kidnapping ug serious illegal detention.
Sa laing bahin, ipaubos sa medical psychological examination ang biktima aron masuta kon nasakitan ba siya sa pisikal o psychological tungod sa insidente.
