CENTRAL VISAYAS-Nipagawas og pahimangno ang Visayas Command (VISCOM) sa mga kaalyado ug kakunsabo sa CPP-NPA, nunot sa pasiunang pagdungog sa reklamo nga gisang-at ni Brigadier General Joey A Escanillas PA, ang Commander sa 302nd Infantry Brigade batok sa Community Empowerment Resource Network (CERNET).
Matud pa ni Lieutenant General Benedict M Arevalo, ang Commander sa VISCOM human sa iyang pakigtagbo kang BGen Escanillas, nga dili sila makatago ubos sa cause-oriented ug advocacy support groups hangtod sa hangtod.
Kini gumikan kay ang balaod dili magpakabuta-bungol sa ilang pagpangilad, korapsyon, ug mga buhat sa terorista.
Dugang pa, nga iahatag ang hustisya sa tanang hulga nga ilang nahimo sa katawhang Pilipino.
Hinungdan nga gitino niining, mas maayo nga aduna silay maayong abogado, o mas maayo pa, nga mga abogado sa ilang kaalyado nga organisasyon nga andam sa pagtubag sa panawagan alang sa hustisya sa katawhan.
Kung kahinumduman, gahapon Huwebes, nagpahigayon og press conference ang VISCOM nga gipangulohan ni BGen Escanillas nga nagpahibalo nga gipasakaan og kaso ang 27 ka personalidad nga konektado sa CERNET, usa ka SEC–registered non-government organization nga nakabase sa Cebu City ug naglihok sa tibuok Visayas region, tungod sa paglapas sa Republic Act. 10168 nga nailhan usab nga Terrorism Financing Prevention and Suppression Act of 2012.
Dugang pa, nga ang CERNET gigamit sa CPP-NPA isip front, alang sa fund generation scheme niini sukad pa niadtong 2001 aron masuportahan ang logistical ug financial requirements niini.
Ang mga pundo nga namugna sa CERNET gikan sa lain-laing internasyonal nga organisasyon ubos sa tabon sa pagtabang sa marginalized nga sektor gibalhin ngadto sa CPP-NPA aron pondohan ang ilang mga teroristang kalihokan.
Kahinumduman nga niadtong Septiyembre 07, usa ka engkwentro ang nahitabo sa Brgy Campugao, Bilar, Bohol diin usa (1) sa unom (6) ka NPA ang na-neutralize sa ulahi nahibaw-an nga mao si Kerlan Fanagel, ang banggiitang IP organizer sa Mindanao kinsa mao ang Chairman sa PASAKA – Southern Mindanao Region, usa ka advocacy support group alang sa mga lumad sa Southern Mindanao.
Gitapos ni Lt Gen Arevalo ang iyang pahimangno sa katawhan ug sa mga local government units sa Visayas region, “Ang pagtabang, pagkunsabo, ug paghatag og pinansyal nga suporta sa teroristang grupo usa ka krimen nga silotan ubos sa atong balaod.
Asoy sa opisyal, nga alang niadtong nagbuhat niini, giawhag sila nga pahunongun, kini gumikan kay determinado sila nga tapuson ang lokal nga armadong panagbangi sa komunista sa kini nga bahin sa nasud ug dili magpanuko sa pagpatuman sa tibuuk nga balaod aron mahatagan hustisya ang mga tawo nga nabiktima sa mga daotan nga buhat.
