CENTRAL VISAYAS-Gipangulohan ni Regional Director Atty. Lionel Marco Castillano sa Comelec Central Visayas ang pagpirma sa pledge of commitment alang sa malinawon, hapsay ug matinud-anon nga Barangay ug Sanguniang Kabataan Elections sa Oktubre 30, 2023.
Kung diin niapil sa kalihokan Ang Police Regional Office sa Central Visayas (PRO 7), Philippine Coast Guard, Armed Forces of the Philippines, National Police Commission, Department of Interior and Local Government, Department of Education, Bureau of Fire, Bureau of Jail Management and Penology ug uban pang stakeholders.
Sa iyang mensahe, si Castillano nagkanayon nga dako ang iyang garbo sa lain-laing law enforcement agencies nga iyang gihulagway nga peace warriors ug guardians sa sagradong boto.
Ang mga salampati gibuhian usab sa kahanginan isip timaan sa “Divine Intervention” alang sa usa ka patas ug matinud-anon nga eleksyon sa tibuok rehiyon 7.
Giawhag ni Castillano ang militar ug kapulisan nga tumanon ang balaod ug ampingan ang katawhan aron luwas ang ilang pagbotar.
Samtang, si PRO 7 Director Police Brigadier General Anthony Aberin nagpasalamat sa mga partisipante.
