MANDAUE CITY-Gipa-ubos sa disciplinary action base sa school manual ang nahitabong kagubot human sa flagceremony nga gilamba sa usa ka estudyante nga lalaki ngadto sa blackboard ang iyahang classmate nga babayi sa classroom sa Jagobiao, Mandaue City sa Sugbo.
Hinungdan nga base sa gikabutyag ni Atty. Marinel Oro ang legal counsil sa School Division sa Siyudad sa Mandaue.
Nagkanayon nga ang mga ginikanan ug ang child protection sa eskwelahan sa naasoy nga highschool gipatawag ug gihimamat ang mga estudyante.
Lakip na nga gisabutan ang himuon nga aksyon sa possible nga sanction sa mga bata.
Gidugang pa ni Oro wala silay’ katungod manghilabot sa mga ginikanan nga mopa-sang-at og kaso batok sa miparok nga estudyante.
Apan,nagkanayon ang naasoy nga abogada nga ilahang gihayan ang ginikanan sa babayi nga giparok kabahin sa ilahang angay buhaton sa kaso.
Sa laing bahin, ilahang panigurohon ang interventions, counseling, sa duha ka mga tinun-an lakip na ang tibuok nga estudyante.
Gisubay usab niini nga ubos sa data privacy act, dili niini maconfirm o deny kung ang naasoy nga mga tinun-an padayon nga mi-eskwela.
Inay, ni-sulti kini nga wala naputol ang pagkat-on sa pipila ka mga estudyante sa maong tunghaan.
Samtang padayun ang imbestigasyon, wala gidid-an ang mga estudyante nga dili motambong sa ilahang klase gumikan nga wala pay na impose nga sanction.
