CEBU CITY-Nahimutang sa top 5 ang usa ka graduate gikan sa University of San Jose Recoletos Cebu sa bag-o lang nga gipagawas nga November 2023 Civil Engineers Licensure Examination.
Ang maong Josenian giila nga si Engr. Analiza Mabini, 22 anyos, ni graduate nga Summa Cum Laude sa kursong Bachelor of Science in Civil Engineering with specialization in Structural Engineering.
Gikan sa 6,180 ka mga board passers ug ingon man 18,582 ka mga examiners nationwide, si Engr. Mabini nakakuha og overall rating nga 91.50% sa maong licensure exam.
Si Engr. Mabini, lumad nga taga Palompon Leyte, ang pinakaunang civil engineer sa ilang tibuok kaliwatan ug siya anak sa usa ka electrician ug iyang inahan kay usa ka housewife.
Matud nga wala niya gilauman nga masulod sa top 5 tungod sa kalisod sa exam ug bisan pa man na lisod kini, nahimong satisfying ang resulta niini.
Usa ka scholar sa USJR si Engr. Mabini diin nakakuha og 100% na academic scholarship maong gipaningkamotan niya nga ma-maintain ang good standing.
Gibutyag niini nga usa sa iyahang adbokasiya mao ang paghimo og mga panimalay nga affordable alang sa mga kabus o ingon man kining mga low cost housing programs.
Advise usab ni Engr. Mabini sa mga aspiring engineers nga mangita og inspiration og hugtan ang pagsalig sa Ginoo aron makab.ot ang tanang pangandoy sa kinabuhi.
Sa laing bahin dako ang iyahang pasalamat sa iyahang ginikanan nga nisuporta sa iyaha og sa unibersidad nga nipahanas sa iyahang skills, abilidad ug sa pagsuporta usab kaniya.
Isip pag-ila sa achievement sa naasoy nag top-notcher gihatagan siya sa USJR og 75k nga cash incentive ug brand new laptop.
