CEBU CITY-Nasikop sa kapulisan sa Liloan ang usa ka notadong kawatan pinaagi sa buy-bust operation.
Giila ang dinakpan nga si Remie Ortega, 23 anyos ug taga Brgy Cogon, Compostela kung diin nakuhaan kini ug gibana-bana nga 10.24 gramos nga shabu nga nagkantidad ug di mo minos sa P 70,000.00.
Gitino ni Police Major Eric Gingoyon, ang hepe sa kapulisan sa Liloan, nga ang illegal drugs operation nahitabo sa Brgy. Cotcot alas 7:30 sa buntag karong adlawa, November 29, 2023.
Dugang sa opisyal nga kini magsilbing pahinumdum sa mga malapason sa balaod ilabi na sa katawhan sa Liloan, nga dili muhunong ang Kapulisan sa Liloan sa kampanya batok sa illegal nga drogas ug uban pang kriminalidad.
Kung kahinumdoman nga nag viral si Remie niadtong November 13 ning kasamtangang tuig kung diin nangawat kini sa usa ka subdivision sa Brgy Cotcot, Liloan.
