CEBU CITY-Nisaad ang City Government nga modonar og 10 milyones alang sa mga biktima sa dakong sunog nga mi-ulbo sa naasoy nga Dakbayan niadtong Martes, Disyembre 12, 2023.
Gibutyag ni Lapu-lapu City Councilor ug Committee on Finance and Appropriations Chairman Annabeth Cuizon nga ubay-ubay na ang hinabang nga nahatag sama sa pagkaon, sanina, tubig, mga hygiene kits ug mga kinahanglanon adlaw-adlaw og ingun man ang tabang pinansyal.
Samtang makadawat usab og emergency shelter assistance gikan sa City Social Welfare and Development Office (CSWDO) nga anaa sa P15,000 ang madawat sa mga homeowners ug P5,000 sa mga sharers ug P3,000 sa mga renters.
Matod ni Cuizon nga tanan mga nasunugan sa Lapu-lapu city adunay ‘standard operating procedure’ diin ang mga biktima naay pagkaon sulod sa tulo ka adlaw, pamahaw, paniudto ug panihapon.
Dugang niini, ang lapu-lapu city adunay ‘rental subsidy’ diin gisusi pa alang sa mga manag-iya sa balay.
