CEBU CITY-Gibalhin na sa apartment ang mga badminton players nga nisalmot sa Batang Pinoy sa kaulohan kauban ang ilahang mga coaches.
Gibutyag ni Rey Coca, usa ka magtutudlo sa Tejero Elementary School ug ang coach sa Badminton sa Cebu City sa batang pinoy nga nidaog ang duha ka mga players ug adunay usa nga napildi diin dili na kini makaduwa.
Kahinumdum nga gipaabot sa pipila ka mga coaches sa Badminton sa Cebu City ang ilahang kasagmuyo diin dili maayo ang nahimutangan nila sa Pasig Gym gumikan kay sila ang ulahing naabot og wala na silay foam nga kahigdaan hinungdan nga nag iya-iya nalang silag hanig sa semento arun ilahang mahigdaan ug makapahuway.
Nanglangtaw usab si Coca nga makapadayon sa pag duwa ang ilahang mga badminton players hangtod mahuman ang finals kon kini makaya ug itugot sa makagagahom.
Sa pikas bahin, walay nataktak sa College ug Highschool nga category kon diin makalahutay kini sa finals.
