CEBU CITY-Nagtingkagol sa prisohan sa Mabolo Police Station ang suspek sa pagpatay sa inahan ug anak sa Sitio Ponce 1 Barangay Carreta sa dakbayan sa Sugbo atol sa adlaw sa pasko.
Nasikop ang suspek og giila nga si Joselito Lariba alyas Insik 25 anyos, nga nasikop pinaagi sa pagpangulo ni Police Major Eraño Regidor, hepe sa naasoy nga Police Station.
Kahinumduman nga si alyas Insik ang gitumbok nga nag pusil ni Christopher Jose Labor Ongos, 15 anyos niadtong Disyembre 13, 2023.
Apan pagkaadlawon sa Disyembre 25, 2023 ang inahan na usab ni Christopher nga si Crystal Mae Labor Ongos ang gipusil patay ni Insik.
Gibutyag sa maong suspek nga iyahang gipusil ang duha ka mga biktima.
Nakuha sa posisyon sa suspetsado ang kalibre 38 diin loaded kinig tulo ka bala nga gitug-an nga maoy gigamit sa pagpusil sa 15-anyos.
Gipanglantawan karon sa kapulisan nga drugas ang hinungdan sa maong krimen, apan gihimakak kini sa suspek nga ang hinungdan mao ang gi-unhan niini og ingon nga plano sa 15-anyos nga tirahon ang suspek.
Gibutyag usab niini nga ang inahan sa namatay nga suspek mibahad sa iyahang asawa nga mabdos gumikan nga nahadlok kini nga maapil iyahang asawa ug gi-unhan nalang ang inahan.
