CEBU CITY-Andam na ang venue sa South Road Properties alang sa umaabot nga Sinulog Grand Ritual Showdown karon Enero 21, 2024.
Kini ang gitino ni Cebu City Councilor Joy Pesquera nga 100% ready na ang venue sa SRP diin nga sa miaging semana, daghan na nga contingents ang naka blocking sa maong venue.
Gibutyag usab ni Pesquera nga ang entablado mas gipalapdan aron nga mas
maka-accomodate ug mas daghang tawo nga mosalmot sa Sinulog Grand Ritual Showdown.
Dugang niini, aduna’y 18 ka mga contingents ang final na nga moapil sa Sinulog Grand Ritual Showdown 2024 og miabot na sa 61 ka mga floats ang mosalmot nga aduna usab gipaabot nga mga artista nga moapil sa maong kalihokan.
Niabot nasad sa 13-14 ka mga contingents sa mga higante ang niapil sa maong kalihokan alang sa Fiesta Señor.
Matod usab ni Pesquera, anaay tulo ka mga out of town contingents ang moapil lakip na usab ang Korea nga contingents nga mo apil usab sa maong kalihokan.
Sa pagkakaron, wala pay lista si Pesquera sa mga gusto nga moapil gikan sa Sinulog sa Kabataan sa Lalawigan ilabi na sa mga mananaog.
