CEBU CITY-Gipasidunggan ang mga Liloan MPS Personnel ubos sa pagpangulo ni PMaj Eric Gingoyon kauban ang Guest of Honor ug Speaker Hon. Atty. Thelma Jordan, Municipal Councillor, Municipal Advisory Group Member, Hon. Kath Jumapao, Municipal Councilor, Municipal Advisory Group Member, ug uban pang mga bisita ang nagpahigayon sa awarding ceremony sa mga angayang makadawat sa maong pasidungog alang sa buwan sa Enero.
Matud pa ni PMajor Gingoyon nga ang tumong sa maong monthly awarding alang sa pagpalambo sa moral ug welfare sa mga kapulisan, ingon man ang mga non uniform personnel lakip na ang mga JO sa maong lungsod.
Hilabi na sa mga barangay tanods sa lungsod sa Liloan nga mao’y kaabag sa mga sakop sa mga kapulisan sa pagpatuman sa kalinaw ug kahapsay sa halapad nga populasyon nga anaa sa kapin 150,000 ka mga indibidwal.
Gani, giangkon niini nga dili kaya nga mapahamtang ang kalinaw kung wala ang mga kaabag nga mga indibidwal hinungdan nga pinaagi sa paghatag og ‘appreciation’ isip pasalamat.
