LAPU LAPU CITY-Mokabat na sa 4,000 ka mga indibidwal ang nadakpan sa dakbayan sa Lapu-Lapu tungod sa paglapas sa nagkandaiyang ordinansa sulod lang sa nakalabay nga semana.
Ingon man nga dili usab mominos sa P2 milyon ang mga multa niini.
Matud pa ni PLt. Col. Christian Torres nga labing daghan sa mga nakalapas mao ang traffic ordinance ug sa no Smoking ordinance.
Gidugang usab niini ang tulo ka High Value Personalities ug laing tulo ka most wanted persons ug ang maong mga kalampusan gipangulohan ni City Police Director, PCol. Elmer Lim.
Sa pikas bahin, gipahingusgan ni Lapu-Lapu City Mayor Junard Ahong Chan ang pakigbisog sa iligal nga drogas gumikan ning mga nakalabay nga semana usab, nag-anam-anam na og balik ang problema sa iligal nga drigas sa ilang lugar ning tuiga.
Base kini sa resulta nga gipahigayon sa City of Lapulapu Office for Substance Abuse Prevention (CLOSAP) nga drug tests ngadto sa trabahante sa City Hall ug mga kabaranggayan diin 44 niini ang nagpositibo.
Hinungdan nga nakig-alayon ni Chan sa City Prosecutor’s Office ug sa mga huwes sa paghashas pag-ayo sa mga madakpan sa ilegal nga drugas nga makapahimulos sa plea bargaining kay usa kini sa gituohan nga namalik ang mga duroggista gumikan makahigayon pa sila nga makagawas sa prisohan.
