LAPU-LAPU CITY,CEBU-Gihangup ni Lapu-Lapu City Mayor Junard “Ahong” Chan ang pagbutang sa Lapu-Lapu City sa ika-tulo sa labing adunahan nga mga Siyudad gawas sa Metro Manila,kini basi saPhilippine Statistics Authority (PSA).
Sa pakighinabi sa Bombo Newsteam kang Mayor Chan, gikalipay niya kini ug gitino nga ang kataas sa GDP sa usa ka syudad maoy usa sa mga sukod sa economic growth o padayong nagmalambuon nga ekonomiya.
Gidugang niini, nga nakab-ot kini nila gumikan sa paningkamot sa mga Oponganons, hinungdan nga nagbunga ang tanan.
Dugang pa, nga mao ni ang usa sa mga benepisyo kung ang tanan magtinabangay na ug dali rang masangpit sa mga katawhan ang gobyerno ug dali ra makamugna og proyekto ang ilahang panggamhanan nga mas makapasaka sa trabaho sa syudad.
Asoy sa mayor nga makapadako usab kini sa puhonan gikan sa mga investors, ga maoy mububo pa og dagkong pundo gikan sa national ug makahatag ug dugang mga butang ug serbisyo.
Gitino sa Mayor nga kining tanan alang sa mga Oponganon ug kadaugan kini sa mga katumanan sa ilahang gipangandoy nga kausaban ug kalambuan.
