PROVINCE OF CEBU-Nakaangkon og pinusilan ang usa ka konsehal sa Barangay Magay lungsod sa Compostela human kini nilanding sa iyaha ang bala nga gipanalog sa 46-anyos nga babaye nga giingong nagkalalis sa kapuyo niini gumikan sa selos.
Giila ang suspetsado nga si Emilyn Lerias, lumulopyo sa Brgy Poblacion lungsod sa Compostela diin anaa na karon sa custodial facility sa Compostela Police Station.
Basi sa imbistigasyon sa kapulisan nga si Lerias ug ang iyang live-in partner nga si Jonathan Morales, 45-anyos, adunay panaglalis ug tungod ang giingong lalis misangpot sa na sa pagkasuko sa babaye ug misulod kini sa balay ug mikuha og bag nga giingong adunay sulod nga armas.
Human nga nakit-an ni Morales ang bitbit sa iyang kapuyo dali kining midagan palayo apan, gigukod kini sa suspek.
Sa dihang gipalanog ni Lerias ang pusil, ang usa ka barangay konsehal sa Magay Compostela nga si Vicente Murillo ang naigo samtang nagbarog kini daplin sa dalan.
Gani, dali nga gidala sa Cebu Provincial Hospital sa dakbayan sa Danao si Murillo samtang ang suspetsadong si Lerias gisikop sa kapulisan ug gikatakdang mag-atubang og kasong Frustrated Murder.
