Trabahante sa padayong gitukod nga bilding sa Mandaue City, napalgang patay sulod sa septic tank

MANDAUE CITY-Napalgang patay sulod sa septic tank ang 51-anyos nga trabahante sa padayon nga gitukod nga bilding sa Barangay Centro, Mandaue City.

Giila ang lalaki nga si Vicente Bandolon, lumad nga taga Asturias, Cebu. Usa ka pintor sa naasoy nga construction area.

Matud pa nga unang nakakita sa lawas sa biktima ang kauban niini kinsang nakalingi sa wala pa nahuman nga tanke.

Ingon man nga nakit-an pa kini nga nag-inom og ilimnong makahubog ug naglingkod sa bintana sa ikaduhang andana sa gitukod nga edipisyo diin mao usab ang iyang tulganan gumikan usa kini ka stay-in.

Sa pagkakaron, nagpadayon ang imbistigasyon sa kapulisan sa Mandaue City Police Offcie arun masayran sa unsang paagi nasulod kini sa septic tank.