BALITANG ESPESYAL-Gidala sa usa ka babaye sakay sa usa ka wheelchair, ang patayng lawas sa usa ka 68-anyos nga lalaki aron mangutang, kinsa namatay na pipila ka oras sa wala pa moadto sa usa ka bangko sa Rio de Janeiro sa Brazil.
Sa usa ka taho ang suspek nga si Erika Vieira Nunes, giingong misulti sa mga kawani sa bangko nga ang iyang uyoan mangutang og 17,000 reais o $3,250.
Sa video footage nga kuha sa security camera sa bangko, makita si Nunes nga nagkupot sa ulo sa lalaki ug nagbutang og ballpen sa iyang kamot aron pa-pirmahan.
Apan nagduda ang mga kawani sa bangko tungod kay natumba ang ulo sa lalaki sa makadaghang higayon maong nanawag sila og pulis.
Gumikan niini gidakop ang babaye ug mag-atubang og kasong fraud.
Samtang ang lawas sa lalaki gidala sa morgue.
