CENTRAL VISAYAS-Gipangulohan ni Armed Forces of the Philippines – Chief of Staff General Romeo Brawner Jr. ang Change of Command Ceremony nga nahitabo gahapong adlawa, Miyerkules Abril 24 sa Camp Lapu-lapu, Barangay Apas ning dakbayan sa Sugbo.
Ika-43 nga Commander sa AFP Visayas Command si Philippine Army Lt. General Fernando M. Reyeg diin iyang gihulipan si Philippine Navy Commodore Oscar Canlas Jr.
Sulod sa usa ka buwan isip Acting Commander sa AFP Visayas Command, si Commodore Canlas mapasigarbuhon sa malampusong mga operasyon sa kabisayaan nga nakatala og 7 ka armadong engkwentro, 37 ka mga NPA nga na-neutralize, 20 ka mga nadakpan ug 16 ang mi-surrender ug mibalik sa estado lakip na sa pagkadakop kang ROMULO MICABALO – ang ilado nga lider sa NPA Regional Guerilla Unit Eastern Visayas Regional Party Committee nga wanted sa 3 ka ihap sa kidnapping nga adunay serious illegal detention ug robbery with intimidation.
Ang operasyon sa AFP Visayas Command batok sa mga armadong grupo nga kaaway sa estado nakatutok sa pagwagtang sa recruitment ug regrouping niini.
Sa laing bahin, nahinabi sa Bombo Radyo Cebu Newsteam si General Brawner Jr. kalabot sa operasyon sa AFP Visayas Command kung aduna ba kini partisipasyon sa nagpadayong BALIKATAN EXERCISES 2024 apan mupahayag siya nga sa kasamtangan wala usa’y partisipasyon si AFP VISCOM apan nanghinaut kini nga maka-apil sa sumusunod nga military exercise.
Mipahayag usab Lt. Gen Reyeg kalabot sa mga reacquisition sa properties sa Cebu Provincial Government sa Camp Lapu-lapu nga maoy base militar sa AFP Visayas Command diin mihisgot lang siya nga iya usa kining tun-an isip bag-ong commander sa AFP VISCOM.
