Gisaulog sa Pilipinas ug Malaysia ang ika-60 nga anibersaryo sa pormal nga pagtukod sa diplomatikong relasyon.
Gipaambit sa Department of Foreign Affairs ang 60th Anniversary logo nga nagpakita sa Sampaguita ug Bunga Raya, ang nasudnong mga buwak sa duha ka nasud diin kini giingon nga nagsimbolo sa panaghigalaay sa duha ka nasud nga adunay susama nga kasaysayan ug kultura.
Gidisenyo kini sa usa ka Filipino engineer, nga si Jayven Villamater, kinsa gipili sa panel of judges gikan sa 54 ka entries nga gisumiter.
Ang Philippine Embassy giingong nag-organisa usab og usa ka tuig nga mga aktibidad sama sa “Islam: Weaving Stories and Art in the Philippines” nga gipahigayon sa Islamic Arts Museum Malaysia niadtong Mayo 16, 2024.
Nasayran nga nagsugod ang diplomatic relations tali sa Pilipinas ug Malaysia niadtong 1959 sa dihang adunay legasyon sa Pilipinas sa Kuala Lumpur, nga sa ulahi nahimong konsulado niadtong Mayo 18, 1964 hinungdan nga sukad niadto, ang panaghigalaay tali sa duha namintinar ug ang bilateral ties, regional stability, ug kauswagan sa usag usa.
