Makapaabot ragayud ang eskwelahan!
Mao kini ang gipamatud-an ni Lola Lolita Escal, usa ka 67-anyos kinsang nalakip sa mogradwar sa Senior High School ubos sa Humanities and Social Sciences o kon HUMSS track ug mikuha og college admisison exam sa University of Rizal System- Angono Campus.
Ang maong hulagway nakapatandog sa kasing-kasing sa publiko human nga nalakip sa listahan sa graduating Senior High School students sa Angono National High School.
Nasayran nga gawas sa pagtungha, gikabusy-han usab ni Lola Escal ang pagtinda og asin.
Matud pa ni Lola Lolita nga ‘lifelong dream’ niini nga maka-eskwela ‘g law ug mamahimong usa ka lawyer apan, tungod sa pinansyal nga limitasyon, mokuha na lamang kini og Bachelor of Arts in Journalism uban ang paglaom nga mao na kini ang iyang unang lakang sa pagkab-ot sa iyang pangandoy.
Gani, sigon ni Rizal Governor Nina Ynares nga saksi kini sa pagpaningkamot ug determinasyon ni Lola Lolita aron nga maka-eskwela ug makahuman.
Nice one ka, Lola Lolita!
