Celtics, usa ka daog nalang arun hingpit na nga makasulod sa finals

Usa nalang ka daog ang kinahanglan daugon sa Boston Celtics arun hingpit na kining makasulod sa NBA Finals.

Kini human nila gipalukapa ang Indiana Pacers, sa iskor nga 114-111, aron makuha ang 3-0 nga labaw sa NBA Eastern Conference Finals.

Diin si Jayson Tatum mao’y nitala og 36 puntos, 10 ka rebounds ug walo ka assists aron papason ang 18 puntos nga labaw sa Pacers.

Ingon man nga nidugang og 24 puntos si Al Horford.

Wala mawad-i og paglaom si Pacers coach Rick Carlisle nga ilang pasaligon ang ilang mga fans nga dili sila ma-sweep sa Celtics.