Miluwat og pamahayag si Mayor Jonas Cortes gahapong adlawa, Miyerkules, Mayo 29, kalabot sa iyang pagkanaog sa nasudnong partido aron ipadayon ang panaghiusa kang Cebu Governor Gwendolyn Garcia.
Nunot kini sa nahimong desisyon ni Gobernador Garcia sa pagbiya sa Partido Demokratiko Filipino – Lakas ng Bayan nga mas nailhang PDP-Laban.
Kahinumduman nga nipadala sa iyang resignation letter ngadto kang PDP-Laban President Rep. Jose Alvarez sa 2nd District sa Palawan nga nagpahibalo nga mobiya na kini sa grupo.
Matod ni Cortes nga gusto niya nga magpabilin ang iyang panaghiusa sa One Cebu ni Garcia, mao nga kinahanglan usab siya nga mobiya sa partido.
Ang Mandaue City Mayor niingon nga gusto niyang ipadayon ang pag-uyon sa mga inisyatiba sa One Cebu nga nagpasiugda sa kaayohan sa lokal nga komunidad.
Sa samang sulat, nagpasalamat siya sa PDP-Laban sa mga oportunidad ug suporta nga ilang gihatag sukad sa iyang pagkamembro niadtong 2019.
Gani, nanghinaot kini nga magpadayon ang paglambo niini sa umaabot.
