Nagpdala ang North Korea og balloon nga puno sa basura, papel sa kasilyas, ug hugaw sa hayop ngadto sa teritoryo sa South Korea.
Sumala sa Joint Chiefs of Staff sa Seoul, daghang wala mailhi nga mga butang nga gituohan nga gikan sa North Korea ang nakita sa Gyeonggi-Gangwon border area.
Ingon man nga gituohan sa military sa South Korea, kini usa ka low class nga aksyon, hinuon ilaha na kining gihatagan og aksyon.
Gipahinumdoman usab niini ang mga residente nga dili mag-outdoor ug dili moduol sa wala mailhing mga butang ug i-report dayon kini sa mga awtoridad.
Gipasiugda usab sa Joint Chiefs of Staff nga ang North Korea nakalapas sa internasyonal nga balaod ug giingon nga usa ka hulga sa kaluwasan ug seguridad sa mga tawo.
Tungod niini, giawhag niini ang North nga hunongon ang dili makatawhanon ug low-class nga mga kalihokan.
