Niabot na si Presidente Ferdinand R. Marcos Jr. sa Singapore, diin gilauman nga ipahibalo atubangan sa international audience ang posisyon sa Pilipinas sa depensa ug diplomasya, ug ang pasalig niini sa pagsunod sa usa ka mando nga gibase sa mga lagda ug constructive multilateralism taliwala sa geopolitical tension Indo-Pacific region.
Matod sa Presidente, ang iyang pakigpulong sa defense and security meeting importante kaayo ug kini usa ka pag-ila nga adunay mga hagit nga giatubang sa Pilipinas.
Gitumbok niini, nga ang West Philippine Sea importante kaayo sa global trade ug ang stakeholders dili na limitado sa Southeast Asia, Asia, ug Indo-Pacific tungod kay naglambigit gyud kini sa global nga ekonomiya.
Dugang pa, nga ang posisyon sa pagdesisyon sa Pilipinas importante kaayo sa mga magbubuhat og polisiya sa tibuok kalibutan.
Ang Presidente miabot sa Singapore human sa duha ka adlaw nga state visit sa Brunei Darussalam.
