Gikataho nga gibungkag ug gikompiskar sa Philippine Navy ang mga pukot sa mga mangingisda nga Chinese nga gibutang sa palibot sa Ayungin shoal sa West Philippine Sea.
Sumala sa usa ka taho gikan sa usa ka publikasyon sa estado sa China, ang mga personahe sa BRP Sierra Madre balik-balik nga nagguba sa pukot sa mga mangingisda sa China kaniadtong Mayo 15.
Diin kapin sa 2000 metros nga pukot sa China ang giingong naguba samtang kapin sa 100 metros nga mga pukot sa pangisda ang nasakmit sa PH.
Matod sa Manila-based think tank nga International Development and Security Cooperation official, ang china kanunay nga naningkamot nga balihon ang istorya alang sa ilang kaugalingong interes kung kini usa ka provocation.
Kini nga psych ops klaro nga gihimo aron makuha ang simpatiya sa internasyonal nga komunidad ug madaot ang lig-on nga asoy ug pagsukol sa Pilipinas.
Kining pinakaulahing alegasyon kabahin sa sunodsunod nga mga akusasyon sa China batok sa mga personnel sa BRP Sierra Madre.
