Wala mabalaka si Department of National Defense (DND) Secretary Gilberto “Gibo” Teodoro Jr. sa mga kabalaka nga gipahayag sa mga Filipino-Chinese business group.
Kung diin, matud sa grupo ang nagpadayon nga panagbinayloay og hait nga mga pahayag tali sa Pilipinas ug China bahin sa West Philippine Sea (WPS) mahimong adunay dili maayong epekto sa ekonomiya ug relasyon sa duha ka nasud.
Matod ni Teodoro, dili angay basolon ang Pilipinas ug ang mga Pilipino sa nagkagrabeng tensiyon, tungod kay ang China nagpadayon sa pag-angkon sa mga teritoryo sa West Philippine Sea.
Gipasiugda usab niya nga dugay nang giatubang sa mga mangingisdang Pilipino ang pagpangdaog-daog samtang nangisda sa mga katubigan nga sakop sa Pilipinas.
Samtang, gitugyan na lang ni Teodoro sa publiko ang paghukom bahin sa pipila ka mga lider ug opisyal sa nasud nga, sumala kaniya, daw nagdepensa sa mga pag-angkon sa China sa West Philippine Sea.
