Nakauli na sa India ang mga patayng lawas sa 45 ka Indian national nga mga trabahante nga namatay sa nasunog nga residential building sa Mangaf city, Kuwait niadtong Miyerkules.
Ang mga awtoridad sa Kuwait una nga nagreport nga 50 ka mga tawo ang namatay sa sunog, lakip ang 45 gikan sa India, 3 gikan sa Pilipinas samtang 2 ang wala mailhi.
Gani, personal nga niadto sa Kuwait si Indian Minister Kirti Vardhan Singh human sa naasoy nga insidente arun magpahigayon og DNA tests arun mail-han ang ilhanan samga biktima.
Sumala sa Indian Minister, nga gihikay sa gobyerno sa India ang usa ka special air force arun mahibalik sa nasud ang mga patayng lawas sa ilang mga namatay nga katagilungsod.
Samtang, gipahibalo sa state ug federal governments nga mohatag sila og compensation sa mga nagbangutan nga pamilya sa mga namatay sa sunog.
